Informacion për vizitorët

Vizitorë nga shtete dhe operatorë të ndryshëm mund të përdorin rrjetin Eagle Mobile, duke përfituar në këtë mënyrë nga shërbimet dhe tarifat e ulëta gjatë qëndrimit të tyre në Shqipëri.
Ata mund të shijojnë udhëtimin në Shqipëri duke përdorur celularin e tyre sa herë që udhëtojnë, sepse Eagle Mobile mbulon 98% të territorit të Shqipërisë.

Ekipi i Eagle Mobile po punon shumë për të dhënë një cilësi të lartë të shërbimit dhe sinjalin më të mirë për të dyja frekuencat (900 dhe 1800 MHz), me qëllim që vizitorët të ndihen si në shtëpinë e tyre kur përdorin shërbimet tona. Gjithashtu, ne po përpiqemi të ofrojmë shërbime të tjera të VAS (Shërbime me Vlerë të Shtuar) për vizitorët, duke implementuar teknologji të reja.

Vizitorët mund të përdorin në shtrirjen e rrjetit të Eagle Mobile shërbime të ndryshme: - GSM, - GPRS, -CAMEL. Në varësi të shërbimeve të aktivizuara nga rrjeti juaj i origjinës në celularin tuaj, Eagle Mobile mund t’ju ofrojë shërbimet e mëposhtme:

Voice               Më mori malli për zërin tënd! Ju mund të flisni me miqtë, familjen tuaj dhe partnerët e biznesit jo vetëm me biseda të shkurtra, por jeni të lirë të shpjegoni gjithçka, sepse Eagle Mobile ofron çmimet më të ulëta për vizitorët. 

SMS                 Thuaje shkurt me një SMS! Informohuni me anë të shërbimit të njohur "Short Message Service".

MMS                Jo vetëm me fjalë! Ky shërbim i avancuar mesazhesh bën të mundur shkëmbimin e mesazheve multimedia të tilla si: tekste, foto, videoklipe, audioklipe, etj., me çdo celular tjetër të përshtatshëm.

GPRS               Kalo në kufirin EDGE! Me zhvillimin e kësaj gjenerate celulare, ju mund të merrni informacion të qartë dhe të saktë nga celulari juaj, duke transferuar të dhëna me anë të aksesit në internet. Argëtohuni gjatë qëndrimit në Shqipëri duke përdorur GPRS ose EDGE nën kapacitetin 384 Kbps.

Call Waiting     Prit një sekondë! Në qoftë se funksioni ‘telefonatë në pritje’ aktivizohet, ju do të njoftoheni për një thirrje tjetër në celularin tuaj me anë të një tingulli zanor. Telefonuesi në anën tjetër dëgjon sinjalin e zakonshëm të një thirrjeje.  

Call holding     Qëndro në linjë! Një telefonatë gjithashtu mund të vihet në “Pritje (on Hold)”.

 
Telefonatat e Emergjencës       Kurdo ju nevojitet ndihmë, mund të kontaktoni:
Policia                                      129
Ambulanca                                127
Zjarrfikësja                               128
Emergjenca                               112

- Mund të kryej telefonata në rrjetin e Eagle Mobile?
Sigurisht, ju mund të kryeni telefonata në rrjetin e Eagle Mobile. Eagle Mobile operon në frekuencat GSM 900 dhe 1800. Në qoftë se aparati juaj punon në këto frekuenca dhe në qoftë se ekziston një marrëveshje roaming midis operatorit tuaj të origjinës dhe Eagle Mobile, mund ta përdorni celularin tuaj në Shqipëri. Para se të largoheni nga vendi juaj, ju mund të kontrolloni nëse ekziston një marrëveshje për shërbimin roaming me Eagle Mobile dhe nëse shërbimi është i aktivizuar në telefonin tuaj.

- Si mund ta përzgjedh rrjetin Eagle Mobile gjatë qëndrimit tim roaming në Shqipëri?
Në qoftë se udhëtoni jashtë shtetit, telefoni juaj automatikisht lidhet me një rrjet. Për të përfituar sa më shumë nga shërbimet e ofruara nga Eagle Mobile, sigurohuni që në ekran të shfaqet  "Eagle Mobile” ose "276 03" ose “AL-03”. Në qoftë se asnjë nga këto nuk shfaqet në aparatin tuaj, ju mund të përdorni menunë për të zgjedhur manualisht Eagle Mobile.

Ju lutemi ndiqni këta hapa për këtë procedurë (përzgjedhja manuale mund të ndryshojë sipas markave të aparateve):

   1. Zgjidhni menunë “Settings”
   2. Zgjidhni  “Network”
   3. Zgjidhni “Manual network selection”
   4. Zgjidhni “Eagle Mobile” or “276 03” or “AL-03”. 

- Si mund të telefonoj jashtë shtetit nga Shqipëria në vendin tim ose kudo tjetër?
Për të kontaktuar njerëzit jashtë Shqipërisë, duhet të formoni kodin e kërkuar ndërkombëtar, psh.0049 ose +49 për Gjermaninë të ndjekur nga numri i telefonit që dëshironi të telefononi. E njëjta procedurë ndodh kur ju dëshironi të telefononi një numër në vendin tuaj.

- Si mund ta rimbush baterinë e celularit në Shqipëri?
Në Shqipëri, voltazhi i përdorur është 220 V. Sigurohuni që të merrni pajisjet e duhura për të rimbushur baterinë e telefonit.

- Cila është monedha që përdoret aktualisht në Shqipëri?
Në Shqipëri përdoret monedha Lekë, megjithatë në disa qendra tregtare ose bare dhe restorante, kryhen shërbime monetare dhe me monedha të tilla si Euro dhe Dollari Amerikan USD.

Pranohen gjithashtu edhe kartat e kreditit: Master Cards, Visa Cards

Kursi i këmbimit valutor mund të gjendet në faqen e internetit të Bankës së Shqipërisë, duke klikuar këtu.

Informacion për abonentët e Eagle Mobile që dalin jashtë shtetit:

Tani ju mund të keni Roaming!!!

Po planifikoni të shkoni jashtë shtetit dhe po kërkoni një mënyrë për të ruajtur kontaktet me të gjithë? Eagle Mobile ofron shërbim roaming anembanë botës. Me një Kartë SIM Eagle Globe ju mund të keni shërbimin roaming në rreth 500 vende të ndryshme. Në qoftë se keni një kartë SIM me parapagesë, sigurohuni të keni kredit të mjaftueshëm në kartën tuaj, ose nëse keni numër me kontratë, sigurohuni që shërbimi roaming është i aktivizuar.

Kur të mbërrini në destinacionin tuaj, lidhuni me një nga rrjetet që do të ofrojnë shërbimin roaming për ju. Përzgjedhja e rrjetit bëhet duke kërkuar manualisht rrjetin ose me kërkim automatik në qoftë se aparati është i konfiguruar në atë mënyrë.

Pas kësaj procedure, keni mundësi të kryeni dhe të merrni telefonata, si dhe të dërgoni dhe merrni mesazhe duke përdorur telefonin tuaj Eagle Mobile.

Në disa rrjete, ndodh që shërbimi i kërkuar për operatorin e përzgjedhur duhet të përshtatet me aparatin tuaj ose me shërbimet e ofruara nga marrëveshja midis Eagle Mobile dhe rrjetit në fjalë. Shërbimet që ju mund të keni gjatë qëndrimit tuaj roaming jashtë shtetit janë:

 Voice               Më mori malli për zërin tënd! Ju mund të flisni me miqtë, familjen tuaj dhe partnerët e biznesit jo vetëm me biseda të shkurtra, por jeni të lirë të shpjegoni gjithçka, sepse Eagle Mobile ofron çmimet më të ulëta për vizitorët.

SMS                 Thuaje shkurt me një SMS! Informohuni me anë të shërbimit të njohur "Short Message Service".

MMS                Jo vetëm me fjalë! Ky shërbim i avancuar mesazhesh bën të mundur shkëmbimin e mesazheve multimedia të tilla si: tekste, foto, videoklipe, audioklipe, etj., me çdo celular tjetër të përshtatshëm.

GPRS               Lundro dhe në Internet! Me zhvillimin e kësaj gjenerate celulare, ju mund të merrni informacion të qartë dhe të saktë nga celulari juaj duke transferuar të dhëna me anë të internetit në bazë të platformës (GPRS, EDGE,...3G) së ofruar nga operatori që keni zgjedhur.

- Si faturohen telefonatat në roaming?
Varet nga telefonata: në qoftë se është telefonatë hyrëse (dikush po ju telefonon) ose telefonatë dalëse (ju po telefononi dikë).
Për telefonatat hyrëse, kur jeni jashtë shtetit, si pala telefonuese, dhe ajo marrëse, ndajnë kostot e telefonatës. Personi telefonues paguan tarifat si një telefonatë roaming sipas rregullave faturuese të rrjetit të përzgjedhur dhe ju do të paguani për pranimin e telefonatës sipas statusit roaming.
Kjo tarifë vendoset midis Eagle Mobile dhe operatorit që ju keni përzgjedhur për roaming dhe do të përfshihet në faturën pasardhëse, në qoftë se keni numër me kontratë, ose do të faturohet drejtpërdrejt në qoftë se keni numër me parapagesë.
Për marrjen e SMS nuk ka asnjë pagesë, si nga operatori i përzgjedhur, ashtu dhe nga Eagle Mobile.
Për telefonatat dalëse ose SMS-të, kur jeni jashtë shtetit, nuk do të faturoheni me të njëjtat tarifa si kur jeni në rrjetin tuaj; një tarifë tjetër përdoret në varësi të rrjetit të përzgjedhur gjatë qëndrimit roaming.
Kur telefononi në vendin tuaj (Shqipëri) ose diku tjetër, do të faturoheni me një tarifë të ndryshme nga thirrjet qe kryeni brenda këtij shteti.

- Sa do të kushtojë?
Shërbimet e roaming mund  të bëhen më të shtrenjta shumë me shpejt sesa shërbimet që ofrohen nga rrjeti vendas.
Mos harroni se paketat tarifore dhe promocionet për telefonatat, SMS ose DATA të ofruara nga rrjeti vendas për destinacionet brenda vendit , nuk janë të vlefshme në  roaming.

 - Çështjet e pagesës
Para se të udhëtoni jashtë shtetit, sigurohuni të keni paguar faturat në kohë dhe që të merrni konfirmimin për aktivizimin e shërbimit roaming. Ju lutemi kontaktoni me personat e shitjeve në Eagle Mobile ose shkoni në dyqanin më të afërt për më shumë informacion.

Klientët me parapagesë
Eagle Mobile u mundëson të gjithë abonentëve me parapagesë të përdorin shërbimin roaming në çdo kohë pa asnjë kusht, vetëm nëse shërbimi ndërpritet për arsye madhore. Abonentët me parapagesë duhet të kontrollojnë kreditin e tyre dhe të rimbushin kartën para se të largohen nga vendi.

Klientët me kontratë
Para se të shkojnë jashtë shtetit, klientët me kontratë duhet të aktivizojnë shërbimin roaming. Ata duhet të kontaktojnë agjentët e shitjes në Eagle Mobile ose të vizitojnë dyqanet më të afërta me qëllim që të sigurohen që shërbimi është aktivizuar, si dhe të paguajnë garancitë dhe faturat përkatëse për roaming.

Para se të niseni…
- Ju duhet të kontrolloni me operatorin tuaj nëse numri juaj është i konfiguruar për t’u përdorur jashtë shtetit dhe cilat shërbime ofrohen në shtetin ku do të shkoni. Kushton thjesht një telefonatë.
- Sigurohuni që shërbimi GPRS/MMS është i aktivizuar para se të niseni.
- Sigurohuni që aparati juaj mundëson shërbimin GPRS/MMS gjatë kohës që përdorni roaming.
 
Rregulloni listën e numrave të kontaktit
- Është shumë e dobishme të konvertoni numrat që kontaktoni më shumë në formatin ndërkombëtar, me qëllim që të mund t’u telefononi gjatë qëndrimit jashtë shtetit.
- Shmangni shpenzimet e panevojshme të roaming-ut
- Mbyllni me çelës tastierën e telefonit. Për të shmangur telefonatat aksidentale dhe shpenzime të panevojshme, mos harroni të mbyllni me çelës tastierën e telefonit pas çdo përdorimi.
- Çaktivizoni shërbimin “gjithmmonë në internet”.
- Çaktivizoni shërbimin e transferimit të thirrjeve para se të largoheni nga Shqipëria.

- Kujdesuni për aparatin dhe veten tuaj gjatë roaming
- Si çdo aparat tjetër, ju nevojitet një karikues telefoni universal dhe adaptor prize për shtetet që do të vizitoni. Kontaktoni zyrën e informacionit për turistët në vendin që po vizitoni për rregullat që mund aplikohen atje; p.sh., përdorimi i celularëve në timon është i ndaluar në disa shtete.

Për klientët me parapagesë ……!!!!!!!
- Duhet të siguroheni që të keni kredit të mjaftueshëm në celularin tuaj.

Këshilla për klientët me kontratë…..
- Ju lutemi regjistroni dhe aktivizoni Shërbimin Roaming para se të largoheni nga Shqipëria. Në qoftë se e keni bërë këtë, sigurohuni që nuk keni pagesa të pashlyera për të shmangur ndërprerje të padëshiruara të shërbimit telefonik gjatë qëndrimit roaming.

Çfarë duhet të bëni në qoftë se ju vjedhin celularin?
- Sigurohuni që të dhënat e telefonit dhe ato personale të jenë të regjistruara te Eagle Mobile para se të udhëtoni.
Në qoftë se ju vjedhin telefonin, kontaktoni Departamentin e Kujdesit për Klientin në Eagle Mobile (nëse telefononi nga jashtë shtetit: +355 67139) dhe jepni të dhënat e mëposhtme: numrin e celularit (MSISDN), emrin/mbiemrin, datëlindjen, dokument identifikimi, nëse keni kontratë biznesi – emrin e kompanisë, sa më shpejt që të jetë e mundur, kështu që EAGLE Mobile mund të bllokojë numrin tuaj.